Preziadas engaschadas ella pastoraziun
Preziai engaschai ella pastoraziun
Preziai missiunaris
Preziadas damas e signurs
«Ei setracta buca mo da migrants»
Tochen ussa dev’ei la «dumengia dil pievels». Quella ei semidada el «di dils migrants e dallas migrantas». Niev ei era che quella dumengia ei gia la davosa dumengia el settember, ils 29-09-2019. Communablamein cun tuttas persunas catolicas digl entir mund semussein nus aschia il medem di solidarics cun migrantas e migrants ed urein communablamein per els e cun els.
«Ei sectracta buca mo da migrants» ei in motto empau extraordinari. Sch’ei setracta buca mo dad els, sche da tgi lu? A moda clara di il messadi pil di dils migrants e dallas migrantas 2019 da Papa Francestg: Ei setracta da Vus e da nus. Ei setracta da scadin e scadina da nus, da nossas temas e da nossas speronzas.
Quei messadi dil Papa ed ulteriur material pil di dils migrants e dallas migrantas anfleis Vus naven da uonn sin la Website da migratio, pertgei nus luvrein – tut el senn dil Papa Francestg – a moda ecologica e persistenta. Priu il cass che Vus veis il basegns da survegnir il material a moda stapada, saveis Vus empustar ei tochen ils 15 d’uost 2019 cul formular aschuntau.
Nus lein era far attents Vus ch’ils uestgs svizzers han il zercladur a caschun la lur 324avla radunonza decidiu da prender si il “di dils migrants e dallas migrantas” ell’entira Svizra ina collecta obligonta. Gidei che quei provocont intent da quei di anfli gronda attenziun. El ei impurtonts per la societad e la Baselgia en Svizra. Da cor engraziein nus persuenter!
|
✠ Jean-Marie Lovey |
Karl-Anton Wohlwend |
info@migratio.ch
